ප්රේමයට ලඟම නෑයා විරවයි කියා මා තර්කයක් ගෙනෙයි නම් ඔබ එයට එකඟයිද? මාගේ විශ්වාසය අනුව මේ එකිනෙකට පරස්පර චිත්ත වේගයන් දෙක අතර ඇත්තේ අල්ප මාත්ර දුරස් බවකි. එමෙන්ම අර්ථ පූර්නය කල නොහැකි බොහෝ දේ මේ වදන් දෙක අතර සැඟවී ඇති බවත් කිසිවෙකුට නොරහසක්. කෙසේ වෙතත් ආදරය යන මානව හැගීම සනතර්පනය තුල බිහි වූවාට වඩා විරහවේ වේදනාව තුල වඩා විශිෂ්ඨ කලා නිර්මානයන් ලොවට දායාද වූවා යැයි මා තවත් විශ්වාස කරන කරුණකි.
ප්රිය විප්පයෝගෝ දුක්ඛෝ, ගීතයේ ප්රවිශ්ඨයට ප්රථම මට සිහි වන බුදු වදනකි. ප්රියයන්ගෙන් වෙන්වීම දුකකි. මදකට මා මෙලෙස උපකල්පනයක් ගොඩ නැඟුවොත්.
“දැඩි ලෙසින්ම ප්රේමයෙන් බැඳුනු යුවලක්, එක් අයෙකුගේ වියෝ වීමක් කෙසේ දරා ගනීද? එය ඔවුන් විවාහ පත් වූ අළුත සිදුවී නම් කෙතරම් සෝචනීයද? තමන් දැඩිව පෙම්කල තමන්ගේ ප්රේමවන්තයා හෝ ප්රේම වන්තිය වෙනුවෙන් ඔවුන් කොයි තරම් නම් සිත් තැවුලකට පත් වෙයිද? මා විශ්වාස කරන අයුරින් මෙම පද වැලේද මූලික හරය ගලා යන්නේ එවන් අවාසනාවන්ත ඉරනමකට මුහුන දුන් අවාසනාවන්ත තරුනයෙකුගේ ශෝඛාකූල චිත්ත වේගයන්ගේ ව්යාකූල වූ හැසිරීම හරහායි.
“දැඩි ලෙසින්ම ප්රේමයෙන් බැඳුනු යුවලක්, එක් අයෙකුගේ වියෝ වීමක් කෙසේ දරා ගනීද? එය ඔවුන් විවාහ පත් වූ අළුත සිදුවී නම් කෙතරම් සෝචනීයද? තමන් දැඩිව පෙම්කල තමන්ගේ ප්රේමවන්තයා හෝ ප්රේම වන්තිය වෙනුවෙන් ඔවුන් කොයි තරම් නම් සිත් තැවුලකට පත් වෙයිද? මා විශ්වාස කරන අයුරින් මෙම පද වැලේද මූලික හරය ගලා යන්නේ එවන් අවාසනාවන්ත ඉරනමකට මුහුන දුන් අවාසනාවන්ත තරුනයෙකුගේ ශෝඛාකූල චිත්ත වේගයන්ගේ ව්යාකූල වූ හැසිරීම හරහායි.
සඳුද අවදියෙන් තරුද අවදියෙන්
මේ නිශාන්තයේ....
ඔබ ලඟ නැති තව දිනක් ගෙවී යයි
තනිවුන වසන්තයේ...//
මේ නිශාන්තයේ....
ඔබ ලඟ නැති තව දිනක් ගෙවී යයි
තනිවුන වසන්තයේ...//
ඇය හා පෙමින් බැඳි ඔහුගේ ජීවිතයේ වසන්තය උදා වන්නේ ඇය සමඟ විවාහප්රාප්තියෙනි. නමුත් ඔහුගේ උදා වූ වසන්තය ඉතා කෙටි කාලයකට සීමා වෙයි. ඇයගේ වියෝවත් සමඟ ඔහුට ජීවිතයේ උදා වූ වසන්තය තුල තනි වන්නට සිදුවෙයි. නමුත් එය ඔහුට දරාගත නොහැකි වේදනාවකි. නිදි දෙවුදුව ඔහු අසලට නොපැමිනෙයි. ඒ වෙනුවට සඳු හා තරු පමනක් මේ ගෙවෙන නිශාන්තය තුල තනි වූ ඔහු සමඟ අවධිව සිටී.
සීතල ඇතිරුනි මිහිරිය ලය මත
කොඳ කෙමි පිපුරුණි මධු පුරවා..
උණුසුම දිස්වුනෙ නෑ නෙත මානෙක.
ඔබලඟ නැතිවම අද මා තනිවම..
කොඳ කෙමි පිපුරුණි මධු පුරවා..
උණුසුම දිස්වුනෙ නෑ නෙත මානෙක.
ඔබලඟ නැතිවම අද මා තනිවම..
මෙහිදී ඔහුගේ බිරිඳගේ වියෝවීම පිලිබඳ පලමු ඉඟිය සපයයි. පෙම්වතියගේ උනුසුමින් පිරි ලය මඬල සීතල වී යාමත් සමඟ ඔහුගේ මනසේ ඇතිවන ව්යාකූල බව මෙයින් මතු කර පෙන්වයි. කොඳ කෙමි තුල මධු ඇති බව සැබෑය. එහෙත් පිපිරී යන තරම්? ඇත්තෙන්ම මේ අවස්ථාව තුල ඔහුගේ සිතේ වූ වේදනාව නිසා ඔහු මධුවිතින් උනුසුමක් සොයා නිශ්පල වෑයමක් දරයි. කෙසේ නමුත් ව්යාකූල මනසකින් යුතු ඔහු ඉන් බලාපොරොත්තු වන්නේ වේදනාවෙන් පිරුණු මතකයේ දරාගත නොහැකි පීඩනය නිදහස් කර ගැනීම මිස අන් ආශ්වාදයක් නොවෙයි.
පහන් නොදැල්විනි ඔබෙ පැල්පත තුල
නිදිමත අඩනෙතු පිය සනහා..
මගේම කඳුලක් වී පිණිබිදු ලෙස
ඔබෙ කවුළුව ලඟ පිපි මල්පෙති මත..
නිදිමත අඩනෙතු පිය සනහා..
මගේම කඳුලක් වී පිණිබිදු ලෙස
ඔබෙ කවුළුව ලඟ පිපි මල්පෙති මත..
මා සිතන අයුරින් ගීතයේ මේ කොටස තුල කථාවේ මෙතෙක් නොකී තවත් සංවේදී හැඟුම්බර පැතිකඩක් විවර කරන්නට උත්සාහ දරනවා වැනිය. ඇත්තෙන්ම ඇයගේ වියෝවෙන් පසුව ඔහුගේ කැදැල්ල තුලට වෙනත් ආලෝකයක් ඔහු පතන්නේ නැත. එතරම් ඔහු ඇගේ අතීත මතකයට පෙම් බඳී. කෙසේ වෙතත් ඇය මිය යන විට ඔහුට ඇයගේ මතකය සමඟ නිතැතින්ම එක් විය හැකි ද්වාරයක් ඇය විවර කර දී ඇත. ඒ ද්වාරය අභියස සිටින්නේ පුංචි මල් කැකුලකි. ඇත්තෙන් සුරතල් දරු සිඟිත්තෙකි. ඔහුගේ විඩාබර දෙනෙතට මදකට හෝ ආශ්වාදයක් ගෙනෙන්නට ඇය කෙරෙන් ඔහුට උරුම වූ මේ දායාදය සමත් වෙයි.
ඉතින් මේ අපූරු පද වැල් ගෙතුම ප්රියනන්ද විජයසූන්දර මහතාගේ අතිනි. සංගීතය හා ගායනය යන දෙකම විශාරද අමරසිරි පීරිස් මහතාගෙනි.