Ajeeb Daastaan Hai Yeh Kahan Shuru Kahan Khatam මෙය පුදුම කථාවකි, කොහෙන් අරඹන්නද, කොතනින් අවසන් කරන්නද, Pardesiya yeh sach hai piya . Sab kehte hain maine tujhko dil de diya පිට දේශකයානෙනි, මෙය සත්යයි ප්රියය, සැවොම කියාවි මා නුඹට මගේ හදවත පුදකල බව. ලතා ජී, ඇත්තෙන්ම මා මගේ හවදත ඔබට පුදකර හමාරය, ඒ සදා කල් නොමියෙන හඬ මාධුර්ය කන වැකෙන සැම කලෙක මා නැවත නැවතත් මුසපත් වෙමි. අවු 87 ඉක්මවන එහෙත් තාරුන්ය අල්ප මාත්රයකින් අඩු නොවුනු ඒ හඬ කෙරෙහි ඇති ඇල්මද සදාතනිකය. 1997 ඇගේ සජීව ප්රසංගයේ සංයුක්ත දර්ශන ඉතා පරෙස්සමෙන් තවමත් මා සංතකයේ සුරක්ශිත ව ඇත්තේ ඒ හඬ කෙරෙහි ඇති ඇල්ම නිසාමය. කාජල්, තාබු, මුම්ටාස්, රේඛා, හේමා මාලිනි, ශ්රී දේවි, නාගිස්, මධුරි, ජායා බච්චන්, මනීශා ආදී මෙකී නොකී අති විශාල රංගනියන් පිරිසකට ඇගේ හඩ ජීවය සපයමින් සමපාත වන අයුරු වරෙක මා හට පුදුම සහගතය. මා යම් වරෙක අසා ඇති සැටියෙන් භාශා 32කට වැඩියෙන් ඇය ගීත ගායනා කර ඇත. ඇය ඉංදියාවට හිමි වූ නමුත් ඉංදියාවට පමණක් අයිති නොවූ මුළු ලොවටම අමිලතම වූ සම්පතක් මිහිරි ගී රාවය ලතා මංගේෂ්කාර් කෝකිලාවන් ම වෙයි.
සංගීතය යනු හුදෙක් ශබ්ද සමූහයක් නොව, එය ගැඹුරු හැඟීම් සහ අර්ථයන් සහිත කලා නිර්මාණයකි. යොදුනින් ඇදෙන සිතවිලි වලට නවාතැනක් වන්නට.